Aconceya'l xuráu del Xosefa Xovellanos

Con esti fallu complétense los Premios Lliterarios del 2019 qu'entrega la Conseyería de Cultura, Política Llingüística y Turismu.

A les 17 hores va tener llugar na sede de la Direición Xeneral de Política Llingüística l'aconceyamientu del xuráu encargáu d'escoyer la obra merecedora del XL Premiu Xosefa Xovellanos de novela ente tolos trabayos presentaos. Antón García, direutor xeneral, va encargase de presidir el mesmu.

El de novela ye la última estaya de los Premios Lliterarios d'esti añu que queda por conocer. Ruma Barbero llevó’l XI Alfonso Iglesias de cómic por 'Seltegu', José Ángel Gayol el XXV Premiu Máximo Fuertes Acevedo d’ensayu por ‘El silenciu invisible’ y Gonzalo G. Barreñada el XXV Premiu Xuan María Acebal de poesía por ‘El llar n’orde’.

Mentes, per primer vegada en doce ediciones, el Premiu María Xosefa Canellada de lliteratura infantil y xuvenil quedó ermu porque "nenguna de les obres presentaes axunta nel so conxuntu la calidá lliteraria y llingüística necesaria para llograr el galardón", esplicó nel so momentu'l xuráu encargáu d'esti gallardón.

Na semeya, dalgunes de les ediciones de los trabayos ganadores del Premiu Xosefa Xovellanos de novela.