El Cursu Básicu de Llingua Asturiana de la XDLA escosa les places

Echa a andar esti martes n'Uviéu.

El Cursu Básicu de Llingua Asturiana qu'entama la Xunta pola Defensa de la Llingua Asturiana (XDLA) vive una edición nueva con una demanda alta, como amuesa qu'escosara toles places disponibles. Tien 20 hores de duración y ta dirixíu sobre manera a persones adultes, que van poder deprender un bon usu del idioma tanto a nivel escritu como oral.

Les clases pónense dende mañana los martes y xueves, de 19.30 a 21.30 hores, nel so llocal n'Uviéu. El so preciu ye de 30 euros, cantidá qu'inclúi tolos materiales, y a pesar de que nun queden places, la XDLA tien abierta una llista d'espera por si esistieren baxes.