Iberia faise con Air Europa por 1.000 millones d'euros

La compañía d'Hidalgo caltendrá la so marca.

International Airlines Group (IAG), sociedá xestora creada tres la fusión d'Iberia y British Airways, llegó a un alcuerdu con Globlalia pa la merca d'Air Europa al traviés de la filial Iberia por una cantidá de 1.000 millones d'euros. La operación zarraráse nel segundu semetres del 2020 cola intención de convertir l'aeropuertu madrilanu de Barajas en competidor real de los principales centros aéreos europeos, esto ye, el londinense Heathrow, el parisín Charles de Gaulle, Amsterdam y Frankfurt am Main.

Air Europa trabaya decenes de rutes internacionales, destacando les sos conexones llatinoamericanes. L'aerollinia propiedá anguaño del salmantín Juan José Hidalgo tamién xune l'Aeropuertu d'Asturies col de Barajas, al igual qu'Iberia, polo qu'habrá que ver cuáles son los planes de la filial d'IAG coles cuatro frecuncies diaries actuales d'Air Europa.

Semeya obra d'Alan Wilson baxo llicencia CC BY-SA 2.0.