59 centros participen nel programa p'ameyorar l'ésitu escolar

Beneficíense del mesmu 15.456 estudiantes.

La conseyera d'Educación, Carmen Suárez Suárez, robló esta mañana los contratos-programa coles direiciones de 59 centros educativos p'aumentar l'ésitu escolar del alumnáu al traviés d'un plan de meyora que se va desenvolver nos cuatro años próximos. Tres seis años d'esperiencia nel desenvolvimientu d'estos alcuerdos, nel cursu 2017-2018 empecipióse un segundu ciclu del programa empobináu a centros con esperiencia col que se pretendía potenciar les redes de collaboración intercentru, tomando como exa fundamental l'amenorgamientu y prevención del fracasu escolar y del abandonu escolar tempranu.

Esta convocatoria, a la que se sumaron 14 centros nuevos, surde coles mires d'empecipiar un ciclu de participación nuevu tres el que se van desenvolver un proyeutu abiertu a la comunidá, van establecese redes d'interaición y coordinación que van permitir reducir les barreres pal accesu, la participación y l'aprendizaxe, y van movilizar recursos que permitan ameyorar la ufierta educativa dende una perspeutiva de plena inclusión. Amás, va incidise nel amenorgamientu y prevención del fracasu escolar y del abandonu escolar tempranu, asina como en fortalecer la formación que recibe'l profesoráu pa responder a la diversidá.

Estos alcuerdos fundaméntanse na esixencia de conxugar l'autonomía pedagóxica y organizativa de los centros cola obligación de l'Alministración d’encauzar les práutiques p’apurrir una educación de calidá.

Na semeya, Suárez Suárez nun momentu del actu de robla na sede de la conseyería.