Samartín del Pinchu, la cita cola cocina d'autor n'asturianu, algama diez esitoses ediciones

El concursu de pinchos y tapes enllena los chigres de Blimea, Sotrondio y L'Entregu.

Dende'l vienres y hasta'l domingu celébrase en Samartín del Rei Aurelio Samartín del Pinchu, certame gastronómicu n'asturianu dafechu que yá cumple diez ediciones d'ésitu. Los veceros van poder disfrutar de venti creaciones tan llamatives como 'Trasiegu de sollombu a L'Allume', 'Patacón', 'Carambelu tropical La Cabaña' o 'Minihamburguesa de corderu con sorpresa llambiona'.

Los venti chigres van ufrir una promoción de pinchu y botella de sidra L'Allume pol preciu de 5 euros. Esti llagar collabora xunto col Conceyu de Samartín del Rei Aurelio na organización d'esti certame gastronómicu qu'entama Empresarios y Comerciantes de San Martín del Rey Aurelio (Ecosam).

Pue consultar el gatromapa d'esta edición de Samartín del Pinchu calcando nesti enllaz.

Na semeya, actu de presentación del X Samartín del Pinchu colos pinchos participantes.