El IV Concursu de Canción Asturiana Cuenca del Nalón celebra la segunda final

Na Casa Cultura de La Pola Llaviana.

Con un ésitu de públicu en toles cites celebraes, el IV Concursu de Canción Asturiana Cuenca del Nalón, entamáu por A Mansalva, encara esta tarde la so segunda y cabera final nes modalidaes absoluta y 'El Presi'. Va ser a les 19.30 hores, con entraes a 3 euros.

Nella participen Álvaro Fernández, José García, Belén Arboleya, Rubén Barredo, Carlos Velasco, Isaac Sierra, Liliana Castañón y Gerardo Menéndez, con Pablo Carrera como gaiteru oficial. Fernando Valle Roso presenta la gala, na que tamién van intervenir Olegario y Ariadna Díaz, Noé Grande, Isaac Canga y Martín Guerra.

Mentes, los cantantes qu'actuaron na primer final foron Cristina Sánchez, Sergio Menéndez, Manuel Pendás, Manuel Roza, Manuel Arenas, Eloy López, Maribel González, Ricardo Balmori y Juanín de la Torre. La selmana qu'entra va celebrase la entrega de premios.