El cursu avanzáu de Corvera principia'l día 29

Yá ta abierta la matriculación pa esta iniciativa de baldre destinada a xente con conocimientos previos d'asturianu.

Corvera repite por estes feches el Cursu Avanzáu de Llingua Asturiana, que se va desendolcar tolos martes del 29 d'ochobre al 17 d'avientu nel aula 2 del Centru Sociocultural de Les Vegues de 18 a 20 hores. En total, 20 hores de clase nes que l'alumnáu va afondar "nel conocimientu y deprendimientu de la gramática asturiana y otres cuestiones más del idioma", pero tamién va "acercase a la cultura asturiana" de la mano de Rafa R. Valdés, responsable del Serviciu de Normalización Llingüística de Corvera.

Los conteníos que se van dar son un repasu de les normes ortográfiques; gramática de la llingua asturiana; situaciones comunicatives, escrites y orales; traducción; actitúes y prexuicios llingüísticos, qué son y cómo funcionen; y creación n’asturianu. La xente adulto interesao yá pue inscribise pal cursu nos rexistros municipales de Corvera.