Cárcaba defende en Bruxeles que se tome en consideración la transición enerxética

Participa nel Comité de les Rexones, qu'alderica'l marcu financieru nuevu de la XE.

La conseyera de Facienda, Ana Cárcaba, plantegó ayeri en Bruxeles que se tengan en cuenta les particularidaes del país. “Vamos defender siempre los intereses d'Asturies y pa eso tenemos de tener pesu na negociación del marcu nuevu”, aseguró.

Incidió na necesidá de que se tomen en considerancia delles carauterístiques singulares d'Asturies, como que tea somorguiada nel procesu de transición enerxética, pa lo que precisa sofitu económicu de les instituciones europees. Al so paecer, nesti contestu van ser fundamentales les alliances con otros comunidaes que s'atopen n'idéntica situación, tanto nel Estáu como nel restu de la Xunión Europea (XE): “Hai que se facer fuertes y buscar la collaboración con territorios qu'encaren dificultaes similares a la nuestres”, aseguró.

El Comité de les Rexones celebra güei una segunda xornada, na que Cárcaba acude xunto col direutor xeneral d'Asuntos Europeos, Javier Vila. Damos participen tamién nuna serie d'actos paralelos, como les conferencies 'Coal regions. High level conference (Rexones de carbón. Conferencia d'altu nivel' o la receición que s'entama na Embaxada con motivu del Pilar.