Antón García ocupa’l cargu de direutor xeneral de Política Llingüística

L’escritor y editor Anton García va encargase de la Direición Xeneral de Política Llingüística. El Gobiernu dedició esti miércoles el nomamientu de 36 de los 44 direiciones xenerales previstes, destacando tamién la designación de Martín López-Vega, autor en llingua asturiana, como responsable de Cultura y Patrimoniu.

García, natural de Tuña del 1960, ye llicenciáu en Filología Española pola Universidá d’Uviéu y convirtióse nel 2016 na primer persona n’ocupar la plaza de profesor asociáu de Literatura Asturiana na institución universitaria. Como escritor inscríbese nel Segundu Surdimientu y tien espublizaos delles tornes y llibros de poesía, narrativa, de cuentos y infantil, de los que ‘El viaxe’ (1986), ‘Díes de muncho’ (1997) y ‘Crónica de la lluz y la solombra’ (2014)  resultaron premiaos col Xosefa Xovellanos de novela, a los qu’hai que sumar un Xuan María Acebal de poesía por ‘Ferralla’ (2015) y un Teodoro Cuesta por ‘Venti poemes’ (1995).

Foi fundador de Llibros de Frou y de la histórica editorial Trabe, anguaño n’activu baxo la direición d’Esther Prieto y Samuel Castro, y anguaño ta al frente de Saltadera, creada nel 2007 pol propiu García. Tamién dirixe la revista cultural asturiana ‘Campo de los patos’ y previamente fíxolo de la de cómics ‘El llapiceru’, editada por Conceyu Bable.

Anteriormente García foi responsable de la Oficina de Política Llingüística mientres los años últimos del Gobiernu del socialista Pedro de Silva. Dende esti cargu puxó por dalgunos de los más importantes primeros proyeutos en materia de promoción llingüística de la historia autonómica d’Asturies: cursos p’adultos, ayudes a la edición, beques de traducción y investigación, campañes públiques de normalización y encuestes sociollingüístiques.

El cuartanu sustitúi al frente de la direición xeneral encargada de la Política Llingüística a Fernando Padilla, que na llexislatura pasada tuvo al frente de la nomada Direición Xeneral de Planificación Llingüística y Normalización dientro de la Conseyería d’Educación y Cultura. Ésta depende agora de la Conseyería de Cultura, Política Llingüística y Turismu, de la que ye responsable otra escritoria de trayeutoria amplia y destacada, Berta Piñán.

Otros nomamientos

Dientro d’esta conseyería destaca tamién el nomamientu de López-Vega como direutor xeneral de Cultura y Patrimoniu. Nacíu en Po nel 1975, esti llicenciáu en Filología Española pola Universidá d’Uviéu y doctor en Literatura Española pola University of Iowa, ye tamién escritor en llingua asturiana y foi direutor cultural del Instituto Cervantes dende’l 2017 hasta la fecha.

La viceconseyería de Turismu va llevala Graciela Blanco Rodríguez, mentes que la responsable de la Direición Xeneral de Deporte va ser Beatriz Álvarez Mesa.El restu de nomamientos de güei, un total de 44, son los siguientes:

• Comisionáu pal Retu Demográficu: Jaime Izquierdo
• Viceconseyera de Mediu Ambiente y Cambiu Climáticu: Nieves Roqueñí
• Direutora xeneral de la vicepresidencia del Gobiernu: Luisa Fernanda del Valle
• Direutora xeneral d’Infraestructures: María Esther Díaz López.
• Direutor xeneral de Movilidá y Coneutividaá: Jorge García López
• Direutor xeneral d’Ordenación del Territoriu y Urbanismu: Alfonso Toribio
• Direutora xeneral de Calidá Ambiental y Cambiu Climáticu: Paz Orviz
• Direutor de l’Axencia Asturiana de Tresportes y Movilidá: José Manuel Caldevilla
• Viceconseyera de Xusticia: Encarnación Vicente
• Direutora xeneral de Función Pública: Margarita Vega
• Direutor xeneral d’Alministración Llocal: Manuel Calvo Temprano
• Direutora xeneral d’Emigración y Memoria Democrática: Begoña Serrano
• Direutor xeneral de Gobernanza Pública, Tresparecencia, Participación Ciudadana y Axenda 2030: José Antonio Garmón
• Direutora xeneral de Finances y Economía: Mar García Salgado
• Direutora xeneral de Presupuestos: Eva Díaz Álvarez
• Direutor xeneral d’Asuntos Europeos: Javier Vila
• Direutora xeneral d’Industria: Rosana Prada
• Direutor xeneral d’Empleo y Formación: Pedro Fernández-Raigoso
• Direutor xeneral de Comerciu, Entamadores y Economía Social: Julio Manuel González Zapico
• Direutora xeneral d’Enerxía, Minería y Reactivación: María Belarmina Díaz Aguado
• Direutora del Institutu Asturianu de Prevención de Riesgos Llaborales (IPRAL): Miryam Hernández Fernández
• Direutor xeneral de Personal Docente: Miguel Ángel Barón
• Direutora xeneral de Planificación y Infraestructures Educatives: Ana Isabel López Isla
• Direutor xeneral de Salú Pública: Rafael Cofiño
• Direutora xeneral de Política y Planificación Sanitaries: Lidia Clara Rodríguez García
• Direutora xeneral de Calidá, Tresformación y Xestión del Conocimientu: Elena Llorente
• Direutor xeneral de Cuidaos, Humanización y Atención Sociosanitaria: Sergio Valles
• Direutora xerente del Serviciu de Salú del Principáu d’Asturies: María Concepción Saavedra
• Direutora xeneral de Planificación, Ordenación y Adaptación al Cambiu Social: Jimena Pascual
• Direutora xeneral de Xestión de Derechos Sociales: Paula María Álvarez Herrera
• Direutor xeneral de Vivienda: Fermín Bravo
• Direutor del Institutu Asturiano pa l’Atención Integral a la Infancia y a les Families: Carlos Manuel Becedóniz
• Xerente d’Establecimientos Residenciales de Mayores d’Asturies (ERA): Ana María Suárez Guerra
• Direutor xeneral de Ganadería: Saturnino Rodríguez Galán
• Direutora xeneral de Desarrollu Rural y Industries Agraries: Begoña López Fernández
• Direutor xeneral de Planificación, Infraestructures Agraries y Montes: Fernando Prendes
• Direutor xeneral de Medio Natural: David Villar
• Direutor xeneral de Pesca Marítima: Francisco José González Rodríguez
• Direutora xeneral d’Universidá: Cristina González Morán
• Direutor xeneral d’Innovación, Investigación y Tresformación Dixital: Iván Aitor Lucas del Amo