La oficina de la llingua d’Avilés graba un vídeu de promoción del asturianu

"La estaya de la Llingua del conceyu d'Avilés acabó de grabar esta selmana un vídeu promocional del usu del asturianu na vida cotidiana. Protagonizáu pol actor Andrés Presumido y cola dirección d'Alberto Rodríguez y Selma Fernández, el vídeu cunta la historia d'un home enfotáu en que falar asturianu ""nun val pa nada"". A cuenta d'ello van pasa-y una serie de desgracies que lu convencen de que conocer l'asturianu ye daqué realmente útil.

La idea orixinal pal vídeu surdio del escritor Dolfo Camilo Díaz, y la intención de la Estaya de la Llingua avilesina ye que la cinta acompañe la memoria d'actividaes de la oficina, amás d'esparder el ""documental"" per otros medios. El vídeu grabóse en dos díes en llugares bien conocíos d'Avilés, dende la cai Galiana al puente de San Sebastián, y na ellaboración del mesmu contóse cola collaboración de la empresa Urbaser y de la sidrería ""Casa Paco"" onde se rodaron delles escenes."