La UNESCO almite a trámite la candidatura a Patrimoniu Mundial del arte paleolíticu de la costa cantábrica

"La UNESCO, estaya de les Naciones Uniés dedicada El Conseyu de Patrimoniu Históricu, recibió ayeri a trámite tola documentación precisa pa entamar el procesu de reconocimientu como Patrimoniu Mundial de la Humanidá del arte paleolíticu de la Cornisa Cantábrica. La propuesta presentada pol director xeneral de Cultura de Cantabria Justo Barreda, en representación de toles comunidaes autónomes participantes na candidatura, inclúi en total 14 cueves de Cantabria, Asturies y País Vascu.

Cuatro son les cueves paleolítiques asturianes inxertes na candidatura. La de La Peña de Candamu, El Pozu'l Ramu (Tito Bustillo) en Ribeseya, la de Llonín en Peñamellera Alta y la d'El Pindal en Pimiango (Ribedeva). Pela parte de Cantabria entren a la candidatura ocho cueves que son les de Chufín, Hornos de la Peña, El Castillo, La Pasiega y Las Monedas, El Pendo, La Garma y Covalanas, mientres que pela parte vasca entren les de Santimamiñe y Ekain. La candidatura a Patrimoniu de la Humanidá del paleoñiticu del cantábricu va ser la única que se presente dende España énte la UNESCO nel 2007 y preséntase como una ampliación de la yá probada nel so día de la cueva cántabra d'Altamira."