Cinco minutos ensin lluz pa da-y fuelgu al planeta

"Asociaciones ecoloxistes de tol mundu promueven esti xueves 1 de febreru una iniciativa cívica consistente en matar la lluz de cases, negocios y edificios públicos a lo llargo de cinco minutos, ente les 19:55h y les 20:00h. L'apagón colectivu, que cuenta nel estáu español, col sofitu del Ministeriu de Mediu Ambiente, organízase con motivu de la presentación en París del cuartu informe del grupu d'espertos climáticos de les Naciones Uníes sobre cambéu climáticu, una circunstancia que les asociaciones comprometíes col mediu ambiente quieren aprovechar pa sensibilizar a la población mundial sobre'l cambiu climáticu. París va centralizar los actos d'esti corte de lluz, apagándose l'alumbráu de más d'una docena de monumentos públicos de la capital francesa, ente ellos la Torre Eiffel. N'Asturies, asociaciones como GREEN y el sindicatu Comisiones Obreres pidieron públicamente que los ciudadanos se comprometieren cola iniciativa.
Más información en Amigos de la Tierra"