Mittal comprométese a facer inversiones nes sos fábriques d'Asturies

"El presidente y dueñu del grupu industrial Arcelor-Mittal, Lakshmi Mittal afirmó ayeri na so primer vista oficial a Asturies tres de la fusión de la so compañía cola europea Arcelor el so compromisu con Asturies y declaró que tienen previsto ""crecer, invertir y potenciar el crecimientu del negociu"" n’Asturies. La primer prueba d’esi compromisu sedría la creación d’un fondu de 100 milllones d’euros, cofinanciáu a partes iguales pola empresa y el Gobiernu asturianu, pa potenciar ""la investigación, desarrollu y innovación, la formación de personal y los proyectos empobinaos a la meyora mediuambiental"", una inversión que se centralizaría nel centru tecnolóxicu de la empresa n’Avilés. L’empresariu indiu comprometióse igualmente a que nun haya recortes de plantiya derivaos de la fusión y dio anuncia d’inversiones nos trenes de llargos de Xixón, con 9 millones d’euros pa la meyora de les instalaciones y la meyora del tren d’alambrón, amás de la inversión de 20 millones d’euros a lo llargo del 2007 pa la reparación d’un de los altos fornos de Veriña."