Asturies y Portugal podríen recuperar el so enllaz aéreu

"La aerollinia estatal portuguesa ""Tresportes Aéreos de Portugal""(TAP) declaró ayeri'l so interés por enllazar l'aeropuertu d'Asturies colos d'Oporto y Lisboa, dalgo que podría llograse al traviés d'una escala n'Asturies de dalgún vuelu internacioonal de la compañía.

La noticia surdió nel trescursu de la visita institucional del Gobiernu asturianu a Portugal qu'encabeza'l presidente Vicente Álvarez Areces, tresmitiendo l'interés de la compañía'l so conseyeru delegáu Fernando Pinto. El conseyeru d'Industria y Empleu Graciano Torre declaró'l so interés pol ofrecimientu de la TAP, anque precisó que yera daqué que va haber qu'estudiar enantes de poder concretalo. Pela so parte, el presidente de la Federación Asturiana d'Empresarios, FADE, Seberino Vigón, comentó que la llinia podría ser viable nos términos d'escala d'otra llinia de llargu recorríu en que la ofreció TAP. Asturies y Portugal nun tienen agora mesmo vuelos que les conecten dempués del pieslle de la empresa asturiana Air Asturias, que tenía abiertu un enllaz con Lisboa."