Sebastiao Salgado visita Asturies pa dar una conferencia

"El famosu fotógrafu brasileñu Sebastiao Salgado va dar esti xueves una conferencia a les 19,30 hores d'esti xueves 1 de febreru nel Paraninfu de la Universidá d'Uviéu. Salgado va falar nesta ocasión sobre la esperiencia de desarrollu del ""Instituto Terra"" nel valle del Ríu Doce, un proyectu de conservación, recuperación, xestión y educación ambiental que cuenta cola financiación de l'Axencia Asturiana de Cooperación al Desarrollu y qu'entamó nel 1998 nesta rexón del departamentu brasileñu de Minas Gerais, nel sudeste del Brasil.

El proyectu de la Fundación Terra tien por oxetivu la reforestación y conservación de 180 hectárees de biesca na Reserva Particular del Patrimoniu Natural en ""Fazenda Bulcao"", ello nuna rexón na que viven más de 3 millones y mediu de persones espardíes per 197 conceyos nos que la minería ye la primer actividá económica.

Sebastiao Salgado (Brasil 1944) dexó nel añu 1973 la carrera d'economista pa dedicase a la fotografía, convirtiéndose nel últimu de los grandes reporteros gráficos de l'antigua escuela. Salgado, qu'exerce como representante especial d'Unicef, tien ente los sos premios el Eugene Smith de Fotografía Humanitaria, l'Oskar Barnack, el Hasselblad y el Gran Premiu Nacional del Ministeriu de Cultura francés, amás del Príncipe d'Asturies de les Artes que llogró nel 1998."