Barbón emplega l'escritoriu de Belarmino Tomás pa firmar los primeros decretos

Xestu simbólicu del presidente d'Asturies.

Adrián Barbón, enantes de viaxar a Galicia a la entrega al ex presidente Javier Fernández de la medaya d'oru del país vecín, firmó los decretos d'estructura de les conseyeríes del Gobiernu y de nomamientu y cese de los conseyeros. Pa ello escoyó un llugar enforma especial: l'escritoriu que'l socialista Belarmino Tomás emplegó como presidente del Conseyu Soberanu d'Asturies y Lleón nel 1937.

Ésti ta formáu por un armariu, delles sielles y el propiu escritoriu, toos ellos reformaos y treslladaos dende Xixón al Palaciu de Presidencia. Los muebles alcuéntrense nuna esquina de la sala del Conseyu de Gobiernu.