Castiella-La Mancha aprueba’l so estatutu, que-y pon vencimientu al tresvase Tajo-Segura

"Les cortes de Castiella-La Mancha van da-y güei el preste al so estatutu, que van aprobar por unanimidá los dos grupos parlamentarios del PSOE y el PP. Ente los 170 artículos y dimposiciones que presenta'l testu inxérense dos novedaes grandes. La primera d'elles ye la fin progresiva del tresvase Tajo - Segura, con fecha tope nel añu 2015, amestándose a ello la esixencia de que Castiella -La Mancha tenga representación nos órganos estatales de xestión del agua.

La segunda d'estes novedaes ye la que se refier a la inversión del estáu na comunidá autónoma. Acordies col testu que va aprobase güei, l'estáu ha invertir n'autonomía l'equivalente a la media resultante de lo que represente Castiella - La Mancha nel PIB español, la so población nel conxuntu del estáu y la so estensión territorial. Amestao a ello, l'Estáu ha apurrir recursos equivalentes al 1% del PIB de Castiella - La Mancha hasta que la comunidá autónoma s'iguale a la media española. La creación d'un Conseyu Autonómicu de Xusticia y una Axencia Tributaria propia tamién apaecen conseñaes nesti Estatutu que define a Castiella - La Mancha como una ""comunidá autónoma dientro de la indisoluble unidá de la nación española, patria común y indivisible de tolos españoles""."