Los socialistes de Xixón sofiten mayoritariamente la candidatura de Paz Felgueroso

"Los militantes socialistes de Xixón votaron esti domingu la llista electoral pa les próximes elecciones de mayu nel primer conceyu del país, onde'l PSOE tien l'alcaldía dende l'entamu de la democracia. La llista propuesta, qu'encabeza l'actual alcaldesa, Paz Fernández Felgueroso, llogró 428 votos ente los 600 militantes que participaron na votación, lo que supón un 74,83% de sofitu.

La llista socialista pa les elecciones a conceyu cuenta, amás de con Felgueroso, con José Manuel Sariego, Begoña Fernández Fernández, Pedro Sanjurjo, Begoña Huergo Iglesias, José María Pérez López, Esperanza Fernández Puerta, Manuel Faustino García Fernández, Dulce Gallego Canteli, Justo Villabrille Lineras, Santiago Martínez Argüelles, Pilar Pintos García, José Ramón Tuero Prado, Hortensia Fernández Vidal, Ana Isabel Puerto Prado, Jordán Suárez Garea, Ana Blanco, Yolanda Cueto, José Antonio Garmón, Joaquín Vázquez, Adela Gabarri, Rubén Velasco Uribelarrea, Margarita Llano, Pedro Carretero, Hector Roces, Carmen Priego Sarasua y Marcelo García Suárez.

L'asamblea socialista de Xixón fexo tamién les sos propuestes pa la llista autonómica socialista, siendo los escoyíos pa ella l'actual conceyala de cultura Mercedes Álvarez González, el conceyal de festeyos Iván Álvarez Raja, l'actual Conseyera de presidencia María José Ramos Rubiera, Faustino González Álvarez, Clara Costales Julio Ramos, María José Ramos Rubiera y Eduardo Sánchez Guardado. La FSA tien de ratificar agora estes candidatures."