Resultaos asturianos de 2ªB

El Real Uviéu llogró en campu del Guijuelo un empate a dos mui importante pa nun fundir na tabla clasificatoria. L’Uviéu remontó un 2-0 nos diez últimos minutos, y, si la selmana pasada los azules llograben el gol del trunfu nel descuentu, esta vegada’l gol del empate definitivu llegó tamién cuasimente sonbre’l xiplíu final, tres d’un centru del debutante Sergio Villanueva que remató Servando. Pela so parte, el Marino de Lluanco, que postulaba a puestu de promoción d’ascensu, llevó un chascu importante al caer pela mínima en casa col filial del Valladolid, que va’l caberu na clasificación, nun partíu marcáu pol aire que sopló en Miramar y que fizo difícil el desarrollu normal del xuegu.. Finalmente, l’Universidá d’Uviéu sigue fundiéndose na tabla tres de la so clarísima derrota por 4 goles a ún col Logroñés, ello con adelantase en marcador primero los futbolistes qu’entrena Pulgar.