Los sindicatos denuncien que Caxastur cesó o camudó de puestu a más de 30 directores d’oficina

"Los representantes sindicales de los trabayadores de Caxastur dieron ayeri una rueda de prensa na que denunciaron el cese y treslláu de más de 30 directores y subdirectores d'oficina de la entidá. Al paecer de los sindicatos, los tresllaos y ceses respuenden a una ""represalia sindical"" por secundar les xornaes de fuelga celebraes na entidá financiera los pasaos 29 d'avientu y 5 de xineru.

La dirección de Caxastur xustificó los ceses y tresllaos como ""parte d'un procesu de rotaciones que se fai tolos años"". Los representantes de les centrales CC.OO, UXT y CISCA na caxa foron mui crírticos cola dirección de la empresa, a la qu'acusaron de ""echar más gasolina a la foguera de la confrontación en cuenta de tratar de reconducir el conflictu pa buscar una solución"" y declararon que diben entamar ""les midíes llegales precises"" énte lo que-yos abulta ""una grave violación de derechos fundamentales como ye'l derechu a fuelga""."