Jorge Drexler y ópera nel fin de selmana

"L'actuación del músicu uruguayu Jorge Drexler nel Teatru Xovellanos de Xixón esti sabadu a les 20:30 ye ún de los eventos que mas rescamplen nesti fin de selmana n'Asturies. Drexler amiesta la electrónica y la poesía algamando canciones que siguen la meyor tradición de los grandes cantautores. Les sos creaciones acumulen nominaciones a los más prestixosos premios dientro de la música, tal ye'l casu del so discu anterior ""Sea"", que foi nomináu a los Latin Grammy Awards, a los MTV Latin Awards y votáu ente los 10 meyores álbumes del 2001 pola revista Rolling Stone Arxentina. Esti cantautor uruguayu algamó un Oscar col cantar “Al otro lado del río”, incluyida na película “Diarios de motocicleta”.

Per otru llau los aficionaos a la música clásica van poder asistir esti sábadu, el domingu y el llunes a la representación de ""La traviata"", ópera con música de Giuseppe Verdi y llibretu de Francesco Maria Piave, basáu nel drama ""La dame aux camélias"" d'Alexander Dumas (fiu). La puesta en escena d'esta obra ye a cargu de la English National Opera y va representase nel Teatru Campoamor a les 20:00h. Mas actividaes pal fin de selmana na nuesa axenda d'ociu."