Samuel Sánchez, premiu al meyor deportista asturianu del 2006

"El ciclista Samuel Sánchez va recoyer el vienres 30 de marzu en Xixón el premiu como meyor deportista asturianu del 2006, que-y concedió l'Asociación de la Prensa Deportiva d'Asturies. Xunto col premiu al corredor del Euskaltel-Euskadi va haber tamién accésits pa la campeona del mundu y d'Europa de vela Graciela Pisonero y al xugador internacional de balonmano Alberto Entrerríos. Fernando Alonso, meyor deportista nel 2005, va recibir una mención especial pol so segundu campeonatu del mundu de Fórmula 1.

Samuel Sánchez llograre nel 2006 el trunfu nuna etapa de la Vuelta a España, otra de la Vuelta a Asturies y ganare'l Campeonatu de Zurich, llogrando'l segundu puestu nel ránking UCI de ciclismu mundial.

L'entrenador asturianu Jenaro Díaz, asistente de Pepu Hernández na selección española de baloncestu, va el premiu al meyor técnicu, mientresque'l pilotu de coches Bruno Méndez ye la meyor promesa. L'equipu del Balonmano Xixón tien el premiu al meyor club y la portera de balonmano Elizabeth López, 171 vegaes internacional y con 5 campeonatos de Lliga consiguió'l reconocimientu a la meyor trayectoria deportiva. Jovino Peláez, campeón d'España de bolu celta, va recibir pela so parte'l premiu al meyor deportista autóctonu."