Cine musical y comedia nes estrenes de la selmana

"Esti fin de selmana llega a les pantalles cinematográfiques del nuesu país el drama musical "Dreamgirls", que cuenta l'ascensu al éxitu y los problemes qu'esti fechu lleva arreyaos d'un grupu de musica formáu por tres muyeres na América de los años sesenta y setenta. La pelicula ta protagonizada por Jamie Foxx, Eddie Murphy, Danny Glover, Jennifer Hudson, Anika Noni Rose y la popular cantante Beyoncé Knowles. Dase'l casu que ""Dreamgirls"" ta nominada n'ocho categories de los premios Oscar, ente los que rescamplen Eddie Murphy como meyor actor secundariu y Jennifer Hudson como meyor actriz secundaria, asina como al meyor cantar orixinal pol tema ""Listen"".

Otru de les estrenes de la selmana na cartelera asturiana ye la última comedia de Ben Stiller, entitulada "Noche en el museo". L'actor norteamericanu interpreta a un guarda de seguridá nocturnu del Muséu d'Historia Natural de Nueva York que tien qu'enfretanse a unfechu extraordinaiu, los elementos de la exposición cobren vida, ente ellos el presidente norteamericanu Teddy Roosevelt, interpretáu pol perconocíu cómicu Robin Williams. Mas estrenes de la selmana na nuesa cartelera."