Xornaes de fotoperiodismu en Mieres

"L'Asociación Profesional de Fotoperiodistes d'Asturies organiza les I Xornaes internacionales de fotoperiodismu, que van celebrase nel campus universitariu de Mieres dende'l 1 al 4 de febreru. Dientro de les mesmes va haber cursos, esposiciones y conferencies a cargu de prestixosos fotógrafos de prensa de tol mundu. Ente los talleres rescampla'l que va poner Antonin Kratochvil, de la ""Axencia VII"" empobináu a fotógrafos profesionales.

Nes xornaes va facese tamién la presentación de la revista de l'Asociación Profesional de Fotoperiodistes d'Asturies y va haber conferencies de Juan Medina, de l'axencia ""Efe"" o de José María Rubio, especialista en Fórmula 1 y fotografía deportivo. Gorka Lejarcegi, de El País, Miguel Berrocal, del ABC, Javi Martínez, de El Mundo o Jon Barandica de El Periódico de Cataluña van ser dellos de los participantes."