Mediu Ambiente alxudica obres de recuperación na sablera del Espartal

"El Ministeriu de Mediu Ambiente aljudicó, al traviés de la Dirección Xeneral de Costes, las obras de meyora del tramu occidental de la sablera del Espartal, en conceyu de Castrillón, con un presupuestu de 502.251 euros.

La empresa alxudicataria de les obres va ser ""Sardalla Española S.A."" que tien de llevar alantre la limpieza y desescombru de les partes de la sablera que llegaron a emplegase como vertederu pa darréu recuperar la vexetación natural d'esti mediu natural tán raru de ver n'Asturies. L'oxetivu declaráu del proyectu ye'l de ""caltener les dunes"" y ""permitir el tránsitu per elles pal so esfrute y conocimientu"" asitiando nelles una rede de pasareles, recuperando en total 470 metros cuadraos de playa.

La conservación del Espartal lleva años siendo oxetu de polémica. Poco enantes de la so declaración como monumentu natural, que tuvo llugar en payares del 2005, una serie de fueos, posíblemente intencionaos, dañaron les plantes de la sablera, sobre la que la presión urbanística nun aparó nin cola declaración como monumentu natural, siendo causa d'enfrentamientos ente grupos ecoloxistes y el mesmu Conceyu de Castrillón, que solicitare nel so día una mengua de la superficie del monumentu natural."