Manuel Durán presenta'l so métodu de tambor tradicional asturianu

"El conocíu maestru tamboriteru Manuel Durán presenta esti xueves 25 de xineru en Xixón la so obra ""El tambor asturiano: usos rudimentos y patrones"" llibru qu'asoleya l'Ayuntamientu d'Uviéu. Ello va ser a partir de les 8 de la tarde nel Centru Municipal Integráu Pumaríin - Xixón Sur. La presentación del llibru va facese acompañada d'un conciertu didácticu protagonizáu pol mesmu Manuel Durán, que va interpretar al tambor un repertoriu clásicu pa esti instrumentu reproduciendo una xornada de fiesta con toles sos partes, entamando pela alborada y siguiendo per pieces de pasucais, intermedios de misa y finalmente'l baille de la fiesta. Pa ello va contar col acompañamientu de los gaiteros Emilio Martinez Argüelles, Iván Rionda y Juan Carlos Varela, mientres que la pareya de baille compuesta por Roberto y Noelia González va representar les dances asociaes a esta música.

Manuel Durán toca'l tambor dende hai 23 años con bien de grupos, ente los que rescampla'l conxuntu ""El tambor de l'Abadía"" qu'ayudó a crear nel 1994, anque foi nel 1996 cuando entamó'l so trabayu docente. Con esti llibru propónse que l'alumnu ""nun solo se forme de manera mecánica sinon que puea ser un bon tamboriteru tradicional""."