Ultimos díes p'apuntase a la Prueba de Conocencia de l'Academia de la Llingua

"L'Academia de la Llingua Asturiana tien abiertu hasta esti xueves día 25 de xineru'l plazu pa presentase a la primera de les dos convocatories de pruebes de conocencia del asturianu que fai tolos años. La prueba, que da derechu al diploma de conocimientu básicu de la llingua asturiana a nivel 1, va ser el sábadu 27 de xineru y nella van valorase los conocimientos de teoría gramatical, práutica escrita y oral al traviés d'un esamen de dos partes, una escrita que va constar d'exercicios de dictáu, torna, exercicios gramaticales y redaición y otra parte que va ser falada y na que va evaluase l'emplegu faláu de la llingua, nuna situación real o imaxinaria nuna conversación colos miembros del xuráu calificador. Tamién va valorase la conocencia del allugamientu de la llingua dientro de la sociedá asturiana asina como del procesu de normalización en que ta inxerta. Les Normes ortográfiques de l'ALLA y la Gramática de la Llingua Asturiana son la bibliografía encamentada pa facer esta preba, de la qu'hai más información na web de l'ALLA"