Profesionales d'estremaos sectores van firmar un manifiestu a favor de Cándido y Morala

"La Plataforma contra la Represión y poles Llibertades va celebrar esti martes 23 de xineru a les 20:00h en Salón d'Actos del Centru de Cultura Antiguu Institutu de Xixón una asamblea de profesionales d'estremaos sectores col obxetivu de redactar y firmar un manifiestu de sofitu a los dos dirixentes del sindicatu Corriente Sindical d'Izquierdes (CSI) Juan Manuel Martínez Morala y Cándido González Carnero, que s'enfrenten en dos xuicios distintos a una pitición fiscal de 6 años y mediu de cárcel polos estrozos causaos nes movilizaciones del sector naval de Xixón.

Colos xuicios a los sindicalistes puestos pa los díes 30 de xineru y 12 de febreru la Plataforma, que yá convocare'l pasáu mes de payares una manifestación esixendo la retirada de cargos pa los acusaos, la Plataforma quier entamar toles iniciatives que sía posible llevar alantre pa sensibilizar al públicu sobre lo qu'a los mesmos acusaos-yos abulta una ""maniobra de persecución sindical"". Nesti orde de coses, los dos sindicalistes acusaos participen güei martes a la mesma hora de l'asamblea de Xixón, les 20:00h, na charra ""Morala-Carnero,¿Qué nos xugamos nesti xuiciu?"" que va tener llugar nel espaciu ""Conceyu Abiertu"" de l'Asociación Llar Solidariu, na Cai Gascona d'Uviéu."