Santos Yanguas presenta un llibru sobre la cultura de los castros

"El caderalgu d'Historia Antigua de la Universidá d'Uviéu, Narciso Santos Yanguas, presenta estos díes el llibru ""Asturias, los astures y la cultura castreña"". Nesta obra, asoleyada pola casa KRK , l'autor afonda na creación de la cultura castreña dende una perspectiva multidisciplinar qu'apurre dende la evolución cronolóxica y espacial hasta apuntes sobre aspectos sociolóxicos, de la economía y de les esplotaciones industriales que llegaron a facer, casu de la minería, amás d'entrar nel planu dafechu cultural con un análisis sobre la relixón y l'arte na dómina de los castros.

Narciso Santos Yanguas (Segovia 1949 ) ye autor de más de cien trabayos d'investigación sobre la población indíxena astur previa a la romanización y sobre la entrada de Roma n'Asturies. Ente ellos rescamplen dellos que s'asoleyaron en formatu de llibru, casu de ""Roma en Asturias, la romanización de Asturias"" o esti qu'agora se presenta."