La Coordinadora Ecoloxista afirma que Xixón va tener que refacer el Plan d'Ordenación Urbana

"Acordies coles declaraciones de la Ministra de Mediu Ambiente na presentación del proyectu de Llei de Calidá del Aire, que va obligar a Comunidaes Autónomes y conceyos de más de 250.000 habitantes a incluyir midíes contra la contaminación nos planes de desarrollu urbanísticu, la Coordinadora Ecoloxista d'Asturies emitió un comunicáu de prensa en qu'asegura que Xixón va tener que remocicar dafechu'l so Plan d'Ordenación Urbana pa poder cumplir cola llei.

Xixón ye la unica ciudá asturiana onde hai más de 250.00 habitantes censaos y onde tolos años se superen los niveles de contaminación del aire. Acordies colos datos oficiales que tán en manes de la Coordinadora, foron 156 díes del añu nos que se perpasaron los valores encamentaos en calidá del aire por particules en suspensión. El conceyu tendría polo tanto qu'entamar planes de reducción de la contaminación, al paecer de la Coordinadora, pa poder asina cumplir cola llei, que califica de ""determinante"" l'inxerimientu d'estos elementos de mengua de la contaminación na planificación urbanística."