Entamó'l Foru Social Mundial de Kenia con presencia asturiana

"Cuatro representantes de la Coordinadora d'Organizaciones non Gubernamentales d'Asturies, ente elles la presidenta de la mesma Ana Suárez González, participen dende ayeri xunto col Director de l'Axencia Asturiana de Cooperación del Principáu d'Asturies, Rafael Palacios, nel Foru Social Mundial que se celebra en Nairobi, la capital de Kenia.

El Foru Social Mundial (FSM) que llega a la so VII edición, va desarrollase hasta'l 25 de xineru, y nelli participen más de150.000 delegaos de tol mundu que van participar en más de 1.000 actividaes y meses reondes de debate. La Coordinadora d'ONGD d'Asturies definió'l Foru como un ""espaciu abiertu al alcuentru y nel que tener llugar pa la reflexón, el debate democráticu de d'idees, la formulación de propuestes, intercambiu llibre y interconexón p'acciones efectivas, de grupos y movimientos opuestos al mundu que dominen el capital y a cualquier forma d'imperialismu"".

El Foru Social Mundial nació nel añu 2.000 en Porto Alegre (Brasil) como un espaciu de debate alternativu a los grandes cumes qu'aconceyaben a cargos políticos, grandes empresarios y teóricos de la globalización neo - lliberal. Nesta edición, que se desarrolla baxo'l lema ""Les lluches de les persones, les alternatives de les persones"" África y la so llucha contra la colonización y la neo - colonización va ser protagonistes.
Más información na web del FSM"