El Puertu Payares, trancáu a camiones na llegada de la ñeve a Asturies

"Dempués de que Protección Civil declarare ayeri l'alerta por ñeve n'Asturies, asitiando la cota de ñeve nos 200 metros, los efectos de les primeres trapiaes tán notándose dende esta mañana. La carretera del Puertu Payares alcuéntrase zarrada a camiones articulaos y ye preciso l'emplegu de cadenes por parte de los coches pa pasala, mientres qu'otres carreteres per tola xeografía asturiana tán pesllaes dafechu al tráficu, casu de la de Cuadonga a Los Llagos, la carretera a Xinestosu en Cangas del Narcea o la que va pa contra Sotres en Cabrales. Hasta 18 puertos precisen de cadenes nestes primeres hores d'un temporal de ñeve que va siguir a lo llargo de mañana.
Más información na web del serviciu 112 Asturies"