EasyJet va poner dos vuelos diarios ente Asturies y Madrid

"La compañía de vuelos de baxu coste EasyJet, qu'opera'l serviciu ente l'Aeropuertu d'Asturies y el de Londres Stansted, declaró que caltién el so apueste por Asturies, dando anuncia del entamu, dende'l 15 de febreru, de la so llinia nueva con Madrid, que va emprincipiar a funcionar con dos vuelos diarios d'ida dende Asturies y otros dos de vuelta dende la capital d'España. El preciu más baratu pa estos vuelos va ser, de mano, de 25,99 euros incluyendo les tases.

El responsable d'EasyJet Arnaldo Muñoz aseguró que la rentabilidá de la llinia Asturies-Madrid ta afitada en cuantes que se trata d'un vuelu con un ""potencial enorme"" y con posibilidaes de mover tamién daqué de turismu, y pidió, en referencia al pieslle d'Air Asturias, que nun se rellacionare a la so empresa con ""proyectos pequeños"" que, ""d'alguna manera, nun taben xestionaos por profesionales"". Muñoz llamentó'l pieslle de l'aerollinia asturiana y esplicó qu'ello ye un casu claru de lo difícil que ye llevar alantre una empresa d'aviación n'actualidá."