Xuan Xosé Sánchez Vicente va encabezar la lista de la UAS en Xixón

"La coalición Unión Asturianista presentó ayeri a Xuan Xosé Sánchez Vicente, que fuere diputáu na Xunta Xeneral pol Partíu Asturianista ente 1991 y 1999, como candidatu a l'alcaldía de Xixón nes elecciones del mes de mayu. L'históricu políticu xixonés contó nel actu de presentación col sofitu de Sergio Marqués, presidente del Gobiernu asturianu pol partíu popular na llexislatura 1995-1999 y actualmente candidatu pola coalición que formen PAS y Unión Renovadora Asturiana (URAS) al Parlamentu asturianu.

El candidatu asturianista a l'alcaldía del conceyu con más habitantes d'Asturies punxo nes polítiques d'emplegu de la mocedá, la meyora del urbanismu pa evitar ""espolios"" y del plan de desaniciu de les víes del tren de la ciudá, como les sos prioridaes polítiques nesta campaña Al actu asistió tamién el que va ser númberu 3 de la llista, l'abogáu Xuan Pertierra. Ello ye que dientro de los alcuersos electorales ente PAS y URAS que dieron llugar a la formnación d'UAS especifícase que, onde una de les formaciones ocupe los puestos impares de la candidatura, la otra tendrá pa ella los pares, polo que-y correspuende a URAS nomar al númberu 2 de la llista, dalgo qu'entovía nun fexo. Sánchez Vicente aseguró que'l repartu de puestos de la llista entera va conocese d'equí nun mes."