La "Estaya de la llingua" d'Avilés fai balance en positivo del añu 2006

"La oficina de Normalización Llingüística (Estaya de la Llingua) d'Avilés fexo ayeri balance de la so actiovidá nel pasáu añu 2006, nel qu'afirma que se conoz qu'hebo un mayor interés pol asturianu na ciudá. El conceyal de Cultura Juan José Fernández señaló que'l númberu de consultes, xestiones y actividaes feches pola Estaya de la Llingua demuestra que ""los falantes de llingua asturiana y la xente interesao en deprendelo son cada día más"".

La xuba d'alumnos matriculaos n'asturianu nos centros públicos de la comarca, que dixo que foi d'un en un 6% en Primaria, onde estudien asturianu 3.481 escolinos, un 60'8% del total, y d'un 2% en Secundaria onde son 675 alumnos, un 17'6% del total, los qu'estudien asturianu, ye ún de los datos d'interés nel balance de la Estaya, qu'atendió a lo llargo del añu 6.567 consultes, 4.500 de ellas telefóniques y el restu presenciales. Les más d'elles, más d'ochocientes teníen que ver cola toponimia, mientres que más de 200 entrugues centráronse en cuestiones de lliteratura, otres 125 sobre nomes propios y otres 109 sobre duldes llingüístiques. Nesti añu, la oficina d'Avilés fexo más de doscientes traducciones ""empobinaes a garantizar una mayor presencia del asturianu n'actividá del conceyu"" organizándose tamién esposiciones y presentaciones de llibros que llamaron a cerca de 5.000 persones.

Juan José Fernández sorrayó la celebración d'actividaes como les Xuntes d'escolinos, nes que participaron 1.500 escolinos de 17 escueles y cinco institutos de la comarca nel mes de mayu, o la convocatoria de dos cursos d'asturianu p'adultos, amás d'una campaña de promoción del asturianu na hostelería local entitulada ""Equí tas en casa""."