Actividaes nel fin de selmana

"Esti sábadu la Xunta pola Defensa de la Llingua Asturiana va entregar los sos premios ""Andrés Solar"", de calter añal, na so vixesimusegunda edición. El premiu consta del ""Pegoyu"", premiu que se-y apurre a persones y entidaes que destacaren pol so llabor positivu en favor de la llingua asturiana. Tamién, con una versión negativa de los premios, col ""Madreñazu"", p'aquelles que destacaren pola so actitú contraria y irrespetuosa pa colos derechos llingüísticos de les persones falantes d’asturianu. Nesta ocasión foron galardonaos respectivamente'l grupu Felpeyu y el presidente d'AsturiesÁlvarez Areces. L'actu va ser a les 19:30 nel Salón d'Actos del Antiguu Institutu de Xixón y va contar cola actuación del cantautor Pedru Pereira.

Otra de les actividaes destacaes del sabadu ye l'actuación de los humoristes Luis Álvaro,Toni Moog y Iñaki Urrutia dientro de les llamaes "Noches de Paramount Comedy" nel Teatru Filarmonica a les 21:00. Yá'l domingu rescampla'l conciertu que va ufiertar la Orquesta Sinfónica de Xixón nel Teatru Xovellanos de Xixón a les 20:30 con esti programa. Mas actividaes d'ociu pa esti fin de selmana n'axenda asturiactiva."