Cursos de música y cultura tradicional nel Muséu del Pueblu d'Asturies

"El Muséu del Pueblu d'Asturies tien abiertu'l plazu de matrícula pa dos cursos que van entamar el prósimu mes de febreru. El primeru d'ellos ""La música y el baille na tradición asturiana"", va dirixilu'l musicólogu Fernando Ornosa, mientres que'l segundu cursu, ""D'ayeri a güei: la sociedá tradicional asturiana"" cuerre al cargu de la etnógrafa y educadora social Fe Santoveña Zapatero, autora del llibru ""Vida sexual en la Asturias tradicional"" que s'alcuentra dende va poques selmanes nes llibreríes.

El primeru de los cursos, con 10 hores llectives, va entamar el día 27 de febreru y les clases van ser los martes pela tarde de 5 a 7, tando abierta la matrícula hasta'l 26 de xineru. El segundu de los cursos ""D'ayeri a güei: la sociedá tradicional asturiana"" ta programáu pa venti hores lectives nel mesmu horariu de tardes los miércoles y xueves. El plazu de matricula ta abiertu pa dambos cursos hasta'l 26 de xineru y les tases de matrícula son de 10 y 19 euros pa cada cursu. El Muséu del Pueblu d'Asturies, onde van ponese tamién les clases, apurre más información y acuta places de matrícula nel teléfonu 985 18 29 63"