Pablo Texón y Fernández Costales, académicos nuevos de l'ALLA

El 3 de mayu va celebrase’l XL Día de les Lletres Asturianes, nel que la institución va recibir al escritor de Felechosa y al profesor universitariu nel actu del Campoamor.

Esta mañana filtróse en redes sociales que Pablo Texón va ser ún de los académicos nuevos de l'Academia de la Llingua Asturiana (ALLA) xunto con Alberto Fernández Costales. L'anuncia, prevista pa la selmana qu'entra, sorprendió nel llar de la institución, qu'esta mañana dio a conocer el cartelu d'esta edición del Día de les Lletres.

Nacíu nel 1977 en Felechosa, Texón ye ún de los autores más destacaos de la lliteratura asturiana d'anguaño. La so obra 'Allumamientu', resultó ganadora del últimu Premiu Xuan María Acebal de poesía, y nos últimos años tresllada tamién la so creatividá a les redes sociales con entraes orixinales enllenes d'humor xugando cola actualidá.

Pela so parte, Fernández Costales ye profesor de la Universidá d'Uviéu nel departamentu de Ciencies de la Educación, onde fixo la so tesis doctoral sobre la internacionalización y traducción de páxines web universitaries baxo la direición de la doctora Cristina Valdés, algamando'l Premiu Estraordinariu de Doctoráu nel 2012.