El PSOE d'Avilés convoca la Comisión de Cultura pa la ordenanza pal día 23

La so celebración retrásase dos selmanes.

El PSOE d'Avilés sigue dilatando la xunta d'urxencia de la Comisión de Promoción Social y Cultura qu'ha de tratar como puntu únicu del orde del día el “control y siguimientu del procedimientu d’ellaboración de la Ordenanza Municipal del Usu de la Llingua Asturiana” a pidimientu de Somos Avilés y Izquierda Xunida (IX). La candidatura de xunidá popular recibió esta mañana la convocatoria pal martes 23 a les 9 hores, cuando, según la normativa, la conceyala Yolanda Alonso debía d'entamala pa enantes del martes pasáu.

Col tiempu a la escontra, dao que'l 26 de mayu hai convocatoria d'eleiciones, Somos Avilés nun quier que la llexislatura termine ensin que'l Plenu apruebe la normativa que regula l'emplegu del asturianu nel conceyu. El retrasu na celebración de la xunta de la Comisión, onde va pidise un testu alternativu a la primer ordenanza y la solicitú a a la secretaria municipal por vía d’urxencia la ellaboración d’un informe xurídicu “pa que, si’l PSOE quier, poder llevalu a Plenu y aprobalu enantes de que fine la llexislatura”, fai que se pierdan otres dos selmanes.

Na semeya, Alonso.