La Conseyera de Presidencia defende l'unviu del CD col discursu d'Areces a los emigrantest

"La conseyera de la Presidencia, María José Ramos, defendió ayeri l'unviu por parte del presidente asturianu d'un CD a la comunida emigrante asturiana nes pasaes navidaes conteniendo un discursu del mesmu Areces y condenó l'actitú de los diputaos populares Fernando Goñi y Alicia Castro Masaveu, que censuraron la operación calificándola de ""pelgarada propagandística"" y que pidieren esplicaciones pola mesma y pol gastu en propaganda del gabinete de presidencia.

Ramos esplicó que la felicitación de navidá d'Areces a los emigrantes lleva faciéndose ""dende va ocho años"" y calificó l'unviu de los CDs, de los que s'editaron más de 50.000 unidaes, de ""tema menor"". La conseyera esplicó que los emigrantes ""nun son ciudadanos de segunda y merecen que'l so presidente-yos felicite la navidá como ocurre con otros presidentes d'otres comunidaes autónomes o incluso alcaldes"". María José Ramos esplicó que ""La diferiencia ye qu'esti añu en cuenta de ser una felicitación escrita ye falada"". Ramos acusó al PP de nun tener ""argumentos afitaos nin idees de futuru"" y de censurar ""daqué tán cenciello como una felicitación de navidá"". La xefa de Presidencia, estaya responsable de la edición y unviu del CD, sorrayó que'l gastu del unviu ""ye'l mesmu que'l de cualquier felicitación"" y aseguró que ""nun se balta con ello la Llei de publicidá por ser una felicitación na que nun se fai balance de xestión de nenguna triba"".

En cuantes a la cuestión de que la Conseyería de Xusticia, Seguridá Pública y Rellaciones Esteriores, responsable de les polítiques en materia d'emigración, nun s'enterare del unviu de CDs, Ramos sorrayó que ""Areces tien la so axenda y les conseyeríes nun tienen conocimientu nin tienen por qué tenelu"" de ""a quién-y manda'l presidente les sos felicitaciones""."