Esther García escribe un poemariu con versión n'asturianu y castellanu

La obra entitúlase 'El color de los días'.

María Esther García López ta acabante d'espublizar un poemariu nuevu, que va tener una doble edición, n'asturianu y castellanu. Setentayocho encárgase de la versión en llingua asturiana, mientres que Bajamar va facer lo propio cola castellana.

'El color de los díes' cuenta con "contraposiciones bien frecuentes y d'un altu valor poéticu", como son "los lluminosos díes na infancia y les afaraes nueches na urbe", y testimonios "de dixebra ente'l yo que fuimos y el yo que nos pesa, l'antes y l'agora", apunta'l prologuista Aurelio González Ovies, que va tar presente esta tarde xunto cola autora valdesana na primera de les presentaciones de 'El color de los días' de les previstes esti mes. Va ser a les 19.30 hores nel avilesín Palaciu de Valdecarzana y nella tamién va participar el periodista Eloy Méndez.

La presidenta de l'Asociación d'Escritores d'Asturies tien d'igual forma feches confirmaes pa dar a conocer la so creación nueva n'Uviéu (llunes 8 a les 19 hores, Club de Prensa de 'La Nueva España'), Xixón (miércoles 10 a les 20 hores, La Buena Letra), Piedrasblancas (martes 23 a les 19.30 hores, Valey) y La Felguera (xueves 25 a les 19.30 hores, Centru Carlos Álvarez Novoa).