Valledor diz que la so Conseyería desconocía’l CD que se-yos unvió a los emigrantes

"El conseyeru de Xusticia, Seguridá Pública y Rellaciones Esteriores, Francisco Javier García Valledor, declaró ayeri que nun tenía conocimientu de la existencia del CD unviáu a emigrantes asturianos residentes fuera del país pa felicitá-yos la Navidá y nel que s'inxertaba, xunto con once cantares asturianos, un discursu de felicitación lleíu pol mesmu Presidente asturianu, Vicente Álvarez Areces.

Javier Valledor declaró que'l CD yera esclusivamente ""cuestión de la Conseyería de Presidencia"" y afitóse nes declaraciones que diere a Asturies.com el responsable d'emigración Luis Miguel Romero, qu'asegurare nun tener conocimientu directu del discu. Según Valledor ""dende la competencia d'esta Conseyería en materia d'emigración nin sabíemos nada, nin nada tenemos que ver con esi unviu"". El conseyeru esplicó que, anque dende la so conseyería s'unviaron discos de Joaquín Pixán a los centros asturianos, tratóse d'un númberu llimitáu de ""setenta o ochenta discos"", ""dalgo que nun tien que ver col discu del que se fala agora""."