Fernando Lastra diz alón a la Xunta Xeneral depués de 32 años

Ta celebrándose'l Plenu caberu de la llexislatura. El socialista, na llista pal Senáu.

Nacíu en 1958 en Cangas del Narcea, conceyu nel que foi teniente d'alcalde dende'l 1983 hasta'l 1992, Fernando Lastra entró como diputáu na Xunta Xeneral nel 1987, na segunda llexislatura. 32 años depués, abandona la política asturiana, na décima llexislatura.

L'actual conseyeru d'Infraestructures, Ordenación del Territoriu y Medio Ambiente, sicasí, va siguir en política, anque, nel casu de resultar escoyíu, lloñe del país. Ocupa'l númberu 3 de la llista del PSOE al Senáu, per detrás de Francisco Antonio Blanco y María Fernández Álvarez.

Na imaxe, Lastra ayeri na so intervención última nel Parllamentu asturianu. Semeya obra d'Armando Álvarez.