Los sindicalistes Carnero y Morala van tener un segundu xuiciu’l 12 de febreru

"Los dos dirixentes de la Corriente Sindical d'Izquierdes Juan Manuel Martínez Morala y Cándido González Carnero, yá tienen fecha pal segundu xuiciu en que van tener que responder poles acusaciones de destrozos causaos nes movilizaciones de Naval Xixón. Amás del primer xuiciu previstu pal 30 de xineru y nel que'l fiscal pide 4 años pl estrozu d'una cámara de videu de control del tráficu, nesta segunda vista, el fiscal pide dos años y mediu de cárcele pa los sindicalistes pola quema d'una furgoneta na vía pública.

Los sindicalistes, que defenden la so inocencia y que ven nel xuiciu una ""campaña de persecución sindical"" comentaron quel xulgáu númberu ún de lo penal, onde va celebrase'l primeru de los xuicios el día 30, dio-yos parte de que'l Conceyu de Xixón presentare alegación esplicando que la persona que punxere denuncia contra Cándido y Morala en nome del Ayuntamientu nun tenía poderes pa facelo. Anque los sindicalistes acusaos nun saben como va valorar el xuez Lino Rubio Mayo esta documentación, los empleaos del conceyu rellacionaos cola denuncia tán llamaos a declarar en xuiciu.

La Plataforma contra la Represión y poles Llibertaes, qu'organizare una gran manifestación en defensa de la retirada de cargos contra Cándido y Morala, va aconceyar esta tarde a les 7 na casa Sindical de Xixón, pa decidir les movilizaciones que va entamar en defensa de los dos imputaos."