El secretariu d'organización de la FSA diz que la llingua va ser "importante, pero non piedra angular" na reforma del estatutu

"Dempués de les declaraciones del Conseyeru de Xusticia Javier García Valledor nes que vía ""inconcebible"" una repetición del Pautu de Gobiernu sin que se recoyere la oficialidá del asturianu na reforma del estatutu, el secretariu d'organización de la FSA-PSOE Jesús Gutiérrez, retrucó-y al conseyeru afirmando que la llingua asturiana, con ser ""importante"" nun va ser una ""piedra angular"" del estatutu reformáu, nel qu'hai ""munches otres coses"" que tratar.

En declaraciones que recueye'l diariu de Xixón ""El Comercio"" Jesús Gutiérrez afitóse nes declaraciones d'otros dirixentes socialistes, esplicando que'l deséu de la FSA-PSOE ye algamar una mayoría absoluta y non precisar de coalición neguna con IX pa gobernar. Pa Jesús Gutiérrez, les crítiques de Valledor a la falta de voluntá del PP y de la FSA-PSOE p'abordar la reforma del estatutu productu de la ""mala fe"" de Valledor, que quier asitiar al PP y a la FSA nel mesmu sacu nel procesu estatutariu. Gutiérrez llanzó tamién un avisu, alvirtiendo qu'hai quien pue acabar ""presu de les sos palabres""."