Los centros de mayores implíquense nel recicláu

El Gobiernu y Ecoembes entamen la campaña 'Terceros n'edá, primeros en reciclar'.

Esta iniciativa aspira a averar el reciclaxe a la totalidá de centros de mayores d'Asturies de titularidá pública nacional, que sumen un total de 58, ente los que s'inclúin residencies, centros de día, centros sociales y apartamentos. L'oxetivu final ye implicar estes persones nel cuidao del medioambiente al traviés de la separación correuta de los restos que se xeneran nestos llugares; una xera que lleven a incorporar a la so rutina diaria.

"El tratamientu que se-y da a los residuos ye un problema de la ciudadanía en xeneral, y ésa ye la idea básica sobre la que'l Gobiernu del Principáu vien actuando. Reciclar empieza con facer una recoyida separada de los restos en casa", esplicó na presentación de la campaña Benigno Fernández Fano, viceconseyeru de Medio Ambiente, qu'apuntó que los índices de reciclaxe n'Asturies son enforma baxos "cuando ye una necesidá medioambiental importante".