La Feria de muestres de Xixón va acoyer un certame con tolos países ellaboradores de sidra

"El recintu de la Feria de Muestres de Xixón va acoyer ente los díes 3 al 7 de mayu la feria ""Sicer"" na que van aconceyar representaciones los principales llugares onde se produz sidra en tol mundu. D'esta miente, xunto cola representación asturiana, va haber tamién delegaciones d'organismos reguladores y empreses vasques y d'otros llugares del estáu como Navarra, Galicia y Cantabria. De fuera d'España, ta confirmada la presencia de representantes de Bretaña y Normandía, de los Estaos Uníos, d'Alemaña, onde hai tradición de sidra nes orielles del riu Main pa la parte de Frankfurt. Nun va faltar la sidra del Reinu Uníu, con ellaboradores en Somerset, Devon, Gloucestershire o Herefordshire, nin tampoco d'Italia, pudiendo conocese nel eventu la sidra del Piamonte, Valle d'Aosta o Lombardía. Amás de llugares tán llonxanos como'l Xapón, los organizadores comenten qu'una de les presencies que más van llamar l'atención va ser la del Canadá, onde se fai pa la parte de Quebec una sidra marcada pola concentración d'azucre que se llogra gracies al fríu.

Organizada por una empresa especializada en en certámenes gastronómicos en collaboración cola cámara de Comerciu de Xixón, Institutu de Comerciu, la feria SICER va aconceyar a más de 60 ellaboradores de los países citaos y cerca de 300 tipos de sidra."