El PP pide esplicaciones pol CD qu'incluye un discursu d'Areces

"El Partíu Popular d'Asturies dio esta mañana una rueda de prensa ufiertada polos diputaos autonómicu y nacional Fernando Goñi y Alicia Castro Masaveu pa denunciar el repartu d'un CD de musica asturiana que s'unvió como ""felicitación de Navidá"" a los emigrantes asturianos que residen nel esterior del país por parte del Gobiernu asturianu. El PP calificó de ""pelgarada"" del gobiernu d'Areces y del so aparatu de propaganda"" la edición del CD y esixó conocer el coste de la operación de repartu del mesmu.

El CD inxerta como primer pista un discursu del Presidente Álvarez Areces que'l diputáu Fernando Goñi calificó de ""ñoñu, hortera y tresnocháu"". Los diputaos del PP esixeron al Executivu que facilite ""tola información rellacionada col unviu"" y ""que nos den cuanto primero tou tipu d'información sobre esta broma"". Masaveu y Goñi pidieron al executivu información sobre ""Cuánto costó, a qué países s'unvió"" y qué oxetivu tien, porque ye una indecencia, un intentu desesperáu d'Areces por vender lo que sía, pensando que los emigrantes son tontos"".

El diputáu alertó amás sobre'l ""altu coste"" que pudo suponer l'unviu a los emigrantes del CD qu'asegura que se fexo ""en sobres acolchaos, de los caros"", teniendo en cuenta que ""hai más de 70.000 emigrantes asturianos"". ""Hai que tar mui desesperáu pa facer eso"", dixo Goñi. Los diputaos populares informaron que nel casu de los emigrantes asturianos en París estos recibieron, poco dempués que-yos llegare'l CD, una carta con un convite p'asistir al alcuentru que se celebra mañana na Embxjada d'España de la capital francesa, un alcuentru qu'Alicia Castro definió como un ""escándalu"" y como una ""especie de fiesta de promoción del discu d'Areces"". La diputada del PP, Alicia Castro, afirmó que se solicitó la comparecencia del ministru d'Esteriores pa que de cuenta de tolos detalles d'esti convite y pa qu'esplique ""l'emplegu de medios públicos con fines electoralistes en beneficiu del PSOE y de Vicente Álvarez Areces""."