Instrumentos asturianos de los sieglos XVIII al XX na esposición “pal son”

"La esposición 'Pal Son: instrumentos de una tradición' recupera pal públicu instrumentos tradicionales asturianos de los sieglos XVIII al XX. Esta esposición que s'inauguró ayeri, va siguir abierta hasta'l 28 de febreru na Biblioteca d'Asturies ""Ramón Pérez de Ayala"" d'Uviéu.

El director Xeneral de Promoción Cultural y Política Llingüística Carlos Madera, asistió a la inauguración de la esposición, de la que comentó que recueye más de 200 pieces acompañaes por nueve paneles nos que s'espliquen les característiques de los instrumentos y el so marcu d'utilización nel contestu de l'Asturies tradicional, acompañándose cada panel de mapes nos que s'asitia xeográficamente la procedencia del instrumentu. Tol material seleccionáu y espuestu son pieces úniques pola so su antigüedá y valor etnolóxicu. Como complementu a la esposición, presentóse tamién un llibru sobre la mesma nel que se muestren los instrumentos axuntándolos en trés grandes grupos, percusión, vientu y cuerda.

Carlos Madera señaló que la esposición tien un oxetivu principalmente instructivu, resultando mui afayadiza pa que la visiten estudiantes, amás d'estudiosos de la música tradicional y públicu en xeneral. Madera felicitó pol so llabor a l'Asociación de Maestros de Música Tradicional Asturiana, responsables de la esposición, que va facer un recorríu itinerante per toa Asturies."