Fernando Alonso enfótase en ser campeón de fórmula 1 nel 2007

"Fernando Alonso presentó'l so coche pa la temporada 2007, na que va defender los colores del equipu anglo-alemán Mc-laren Mercedes. Nun actu que tuvo llugar en Valencia, Fernando Alonso nun quixo afondar en detalles sobre'l coche pa esta temporada, el MP4/22, pero declaró que s'enfotaba n'entornar la mala trayectoria que tuvieron la temporada pasada estos bólidos y poder proclamase con ellos campeón del mundu. El pilotu asturianu, dos vegaes campeón del mundu, congracióse de poder presentar tán ceo'l coche y centró tolos esfuerzos del so nuevu equipu en llograr un motor v-8 meyor que'l de la temporada 2006, en que Mercedes acusó'l pasu de los motores de diez cilindros a los d'ocho por obligación del reglamentu. Pela parte que-y tocaba a elli, Alonso esplicó que lo más difícil diba ser facese a les cubiertes Bridgestone que calza'l Mc Laren, distintes enforma de les Michelin que montaba'l Renault col que foi campeón nel 2005 y 2006.
Más información na web de Mc Laren"